Балтач үзәк китапханәсендә рәсем сәнгатен яратучылар өчен мастер-класс узды
12 октябрьдә Балтач үзәк китапханәсендә рәсем сәнгатен яратучылар өчен мастер-класс узды. Теләге булганнар иҗади чарада катнаштылар, үзләрен чын рәссамнар һәм иҗатчылар итеп хис иттеләр.
Рәссам Кашафуллина Айсылу композициянең рәсемдә дөрес урнашуы һәм акварель рәсем сәнгате техникасы турында сөйләде. Мастер-класста катнашучылар акварель рәсеме беренче карашка катлаулы кебек тоела, әмма бу тәэсир алдаучан дип билгеләп үттеләр. Бу төр буяулар белән эшләү процессы киеренкелекне киметә һәм тынычландыра. Мастер-класс вакыты бер сулышта сиздермичә үтте. «Мин - рәссам, мин шулай күрәм! " дип аталган иҗат процессы. рәсем сәнгатен яратучыларны берләштерә. Авторлык эшләренең никадәр матур һәм төрле булуы гаҗәп! Бәлки, мастер-класста катнашучыларның берсе үзендә яңа яшерен талант ачкандыр!