Балтач районында физкультурниклар көне билгеләп үтелде

2023 елның 15 августы, сишәмбе

12 августта Балтач муниципаль районының «Сабантуй» ял паркында физкультурниклар көненә һәм РФ Спорт министрлыгының 100 еллыгына багышланган тантаналы чара узды. Иң яхшы спортчыларны, спорт өлкәсендәге учреждениеләр хезмәткәрләрен хөрмәтләделәр. Әлеге чара кысаларында 7 спорт төре буенча Спартакиада узды: пляж футболы, пляж волейболы, бадминтон, җиңел атлетика, гири күтәрү, таяк тарту, аркан тарту.  Шулай ук барысы да ГТО нормаларын тапшыруда катнашты. Җиңүчеләрнең барысы да акчалата бүләкләр һәм грамоталар белән бүләкләнде.