Балтач районында Коляскалар парады гөрләде

2023 елның 26 июне, дүшәмбе

2023 елның 25 июнь көнне районыбыз яшьләре “Сабантуй” ял  паркындагы мәйдангә җыелып бәйрәм итте. Бу бәйрәмдә иң матур конкурсларның берсе елдагыча “Коляскалар парады” өстен булды. Бу конкурс  ТР Балтач муниципаль районы ГХАТ, спорт һәм яшьләр бүлекләре тарафыннан оештырыла. Матур  традициягә әйләнеп барган конкурс барышында районыбызда актив, талантлы гаиләләр бик күп булуы сөендерә. Коляскаларын бизәүдә креативлыкларын эшкә җигеп районыбызның 11 гаиләсе чыгыш ясадылар, төрле-төрле оригиналь номинацияләрдә хезмәтләрен күрсәттеләр.