«Тургай» балалар бакчасына яраклылык бәяләмәсе бирелде
Балтач районы Норма авылында төзелгән «Тургай» балалар бакчасына капиталь төзелеш объектының проект документларына туры килү-килмәве турында яраклылык бәяләмәсе бирелде.
Объект төзелеше 2020 елның апрелендә башланды. ТР Дәүләт төзелеш күзәтчелеге инспекциясенең йомгаклау тикшерүе 2021 елның августының беренче яртысында узды.
Төзүче оешма – Татарстан Республикасы Балтач муниципаль районының «Норма урта гомуми белем бирү мәктәбе» муниципаль бюджет гомуми белем бирү учреждениесе.
Техник заказ бирүче – «Татарстан Республикасының Баш инвестиция-төзелеш идарәсе» дәүләт казна учреждениесе.
Проектлаучы – Татарстан Республикасының «Татинвестгражданпроект» баш территориаль проект-тикшеренү фәнни-җитештерү фирмасы» дәүләт унитар предприятиесе.
Генераль подрядчы – «Болгарстройкомплект» ҖЧҖ.
Мәктәпкәчә белем бирү учреждениесе 120 урынга исәпләнгән. Биредә дәресләр һәм бәйрәм чаралары үткәрү өчен музыка залы, спорт залы, уен зонасы, йокы бүлмәсе бар. Балалар бакчасының төзекләндерелгән территориясендә уен мәйданчыклары урнаштырылган.