Халкым мирасы

2020 елның 6 августы, пәнҗешәмбе

ТАССРның 100 еллыгы уңаеннан Балтач Үзәк китапханәсе хезмәткәрләре районыбызның "алтын куллы" Ленура апа Сафинаның кул эшләренә багышланган видеоматериал әзерләделәр.

Безнең әби-бабаларыбыз элек-электән матурлыкка омтылганнар. Халкыбызның күңел нурын сибеп чиккән сөлгеләре,  бизәкләп тукыган ашъяулыклары, чаршаулары... Энҗе-мәрҗән белән чигелгән укалы калфак-түбәтәйләре бүгенге көндә дә тиңсез хәзинә булып тора.

"Үткәнен белмәгәннең киләчәге юк", - ди халык мәкале. Ә халык әйтсә, хак әйтә. Шуны истә тотып, халкыбызның үзенчәлекле чигү төрләрен барлап бүгенге көндә чигүче райондашыбыз Ленура апа Сафинаның кул эшләрен тәкъдим итәбез.