«Куркынычсыз җәй»
«Файдалы ял» программасын тормышка ашыру кысаларында 2020 нче елның 29 июлендә Балтач шәһәр җирлегенең «Сабантуй» паркында профилактика субъектлары тарафыннан катлаулы гаиләләрдәге балалар өчен, куркынычсызлык кагыйдәләрен үтәп, чираттагы чара үткәрелде.
Чара барышында ОДМС белгечләре, гаилә иминлеген кисәтү буенча полиция муниципаль хезмәткәре, Балтачның «Наз» үзәге социаль эш буенча белгече 7 балигъ булмаганнарга һәм аларның ата-аналарына урамда һәм суда үз-үзеңне тоту кагыйдәләрен искә төшерделәр, «101», «Бәла булмасын өчен», «Су янында», «Хокукый белешмәлек» дигән белешмәлек һәм буклетлар тараттылар.
Балалар яңа хәрәкәтле ишегалды уеннарына өйрәнделәр, әлеге уеннарны алар киләчәктә дуслары белән үзләре дә уйный алачак.
Балалар бер-берсе белән уңай тәэсирләре белән уртаклаштылар, оештыручыларга файдалы гына түгел, күңелле вакыт өчен дә рәхмәт белдерделәр.
Балтачтан Мәдинә Хәмит Кызы Гарифуллина исеменнән зур булмаган бүләкләр тапшыру очрашуның күңелле нәтиҗәсе булды.