5 июньнән Татарстанда коронавирус инфекциясе таралуга юл куймау максатыннан кертелгән кайбер чикләүләр бетереләчәк
5 июньнән Татарстанда ТР Министрлар Кабинеты карарындагы үзгәрешләр нигезендә коронавирус инфекциясе таралуга юл куймас өчен кертелгән кайбер чикләүләрне бетерәчәкләр.
- Мәчетләр, чиркәүләр һәм башка дини корылмалар ачыла (объектларда һәр кешегә 4 кв.м. мәйдан билгеләнә, мәйданы 400 кв. метрдан артык булса, бинада бер үк вакытта 100 дән артык кеше була алмый).
- Дистанцияне үтәп, фитнес-үзәкләр һәм бассейннар тулы күләмдә эшли башлый (спортзалларда һәр кешегә 4 кв. метр, ә бассейннарда 5 кв. метр бүлеп бирелә).
- Сауна һәм мунчалар ачыла
- Кибетләр тәүлек буе эшли ала
- Республиканың 31 районында сәүдә комплекслары эшли башлаячак.
Кинотеатрлар, төнге клублар, кафе, рестораннар, концерт заллары, балалар өчен уен бүлмәләре һәм башка күңел ачу оешмалары әлегә ябык булып кала.