«Факел» клубы хезмәткәрләре балаларны «Аулак өй» традицион татар халык йоласы белән таныштырды

2019 елның 20 ноябре, чәршәмбе

2019 елның 13 ноябрендә «Факел» клубы хезмәткәрләре күргәзмә уздырды һәм балаларны «Аулак өй» традицион татар халык йоласы белән таныштырды.

Балалар «Тәңкә салыш», «Чупләм», «Капкалы» һ.б. татар халык уеннарын яратып уйнадылар. Шулай ук татар халкының килеп чыгышы, гореф-гадәтләре, милли бәйрәмнәре буенча күргәзмә оештырылды. Сувенирлар, татар халкының көнкүреш әйберләре, эскәтерләр, чигелгән сөлгеләр - болар барысы да үзенчәлекле төсмер биреп тора иде.