Урта Көшкәт авыл клубы хезмәткәрләре китапханә белән берлектә "Халыклар дуслыгында - Россия бердәмлеге" дигән чара үткәрделәр

2019 елның 8 ноябре, җомга

5 ноябрь көнне Урта Көшкәт авыл клубы хезмәткәрләре китапханә белән берлектә "Халыклар дуслыгында - Россия бердәмлеге" исемле презентация белән интеллектуаль уен үткәрделәр. Чара Россия гимны белән башланып китте, ә соңыннан китапханәче Халыклар бердәмлеге көненең барлыкка килү тарихы турында презентация күрсәтте. Аннары интеллектуаль уен үткәрелде. Балалар бик теләп сорауларга җавап бирделәр һәм җаваплар турында фикер алыштылар.