Муниципаль учреждениеләр җитәкчеләре белән семинар
2019 елның 29 мартында 10.00 сәгатьтә район мәдәният йорты залында муниципаль учреждениеләр җитәкчеләре белән объектларның террорчылыкка каршы сакланышы һәм керемнәр, чыгымнар, милек һәм милек характерындагы йөкләмәләр турында мәгълүматны үз вакытында бирү буенча семинар узды.
Семинарда түбәндәге мәсьәләләр каралды:
1. Объектларның террорчылыкка каршы саклануына карата таләпләр турында.
2.Муниципаль учреждениеләр җитәкчеләренең керемнәре, чыгымнары, мөлкәте һәм мөлкәти характердагы йөкләмәләре турында мәгълүмат бирү хакында.
3.Коррупциягә һәм террорчылыкка каршы көрәш турындагы законнарны үтәмәгән өчен җаваплылык турында.
Көн тәртибендәге мәсьәләләр буенча доклад белән Балтач район башкарма комитеты җитәкчесе ярдәмчесе Р. Ә. Таҗетдинов, Балтач район Советы җирле үзидарә органнары белән эшләү бүлеге җитәкчесе Р.Н.Хәйруллина, Балтач районы прокуроры ярдәмчесе Г. М. Галиуллина чыгыш ясадылар.
Балтач районы башкарма комитеты җитәкчесе ярдәмчесе Р. Ә. Таҗетдинов семинарның модераторы сыйфатында чыгыш ясады.
Семинарда мәгариф, мәктәпкәчә белем бирү учреждениеләре җитәкчеләре, спорт объектлары, яшүсмерләр клубы, яшьләр үзәге җитәкчеләре, мәдәният учреждениеләре җитәкчеләре һәм объектларның террорчылыкка каршы сакланышы буенча эшне оештыру өчен җаваплы вазыйфаи затлар катнашты.