Балтач муниципаль районының Мактаулы гражданины Галиев Гарифҗан Гали улы үзенең 92 яшьлек юбилеен билгеләп үтте
2019 елның 29 мартында Бөек Ватан сугышы ветераны , «Халыклар дуслыгы» Туган якны өйрәнү музее директоры һәм Балтач муниципаль районының Мактаулы гражданины Галиев Гарифҗан Гали улы үзенең 92 яшьлек туган көнен билгеләп үтте.
Гарифҗан Гали улы искиткеч язмышлы кеше, ул Бөек Ватан сугышында ИЛ-2 штурм самолетында атучы һава радисты буларак катнаша. Сугыштан соң күп еллар укытучы, Чепья мәктәбе директоры булып эшли. 1965 елда җәмәгать башлангычларында музей булдыра. Хәзерге вакытта Гарифҗан Гали улы Чепьяның «Халыклар дуслыгы " Туган якны өйрәнү музееның алыштыргысыз директоры булып тора.
Гарифҗан гали улын туган көне белән котларга район башкарма комитеты җитәкчесе А. Ф. Хәйретдинов, авыл җирлекләре, авыл хуҗалыгы предприятиеләре һәм оешмалары җитәкчеләре, ветераннар советы активы килгән иде.
Без Гарифҗан Гали улын әлеге истәлекле вакыйга белән чын күңелдән котлыйбыз һәм аңа иң изге теләкләр телибез: нык сәламәтлек, эшләрендә яңа уңышлар, барлык башлангычларда уңышлар һәм якыннарының мәхәббәтен тоеп яшәргә телибез!