Социаль хезмәткәрләр өчен уку
Агымдагы елның 28 декабрендә «Наз» халыкка социаль хезмәт күрсәтү үзәгендә социаль һәм медицина хезмәткәрләренең айлык укуы булып узды, анда 43 социаль һәм 1 медицина хезмәткәре катнашты.
Директор урынбасары Фәния Йосыпова янгын куркынычсызлыгы турында лекция белән җыелышны ачты, яңа ел бәйрәмнәре вакытында янгын куркынычсызлыгын тәэмин итү буенча инструктаж үткәрде.
«Наз» халыкка социаль хезмәт күрсәтү үзәге директоры Гөлнара Әхмәдиева, янгын куркынычсызлыгы темасын дәвам итеп, барлык социаль хезмәткәрләрне социаль хезмәт алучылар һәм ялгыз өлкән яшьтәге гражданнар белән планнан тыш инструктаж үткәрүне йөкләде. Социаль хезмәтләр күрсәтү көндәлекләрен тутыру һәм алып бару таләпләренә җентекләп тукталды.
Социаль яклау бүлеге җитәкчесе Алсу Гатиятуллина катнашучыларны якынлашып килүче бәйрәмнәр белән котлады, яңа ел бәйрәмнәре вакытында хезмәт күрсәтүче һәм ялгыз гражданнарның барлык категорияләрен контрольдә тоту кирәклеге турында тагын бер кат искәртте.
2019 елда тарифлар үзгәрүе белән социаль хезмәткәрләрне өйдә социаль хезмәт күрсәтү бүлекчәсе мөдире Әнисә Хәйруллина таныштырды.
Җыелыш туган көннәрен билгеләп үтү белән тәмамланды.