Архив бүлегендә ветераннарны хөрмәтләделәр…
2018 елның 1 июнендә Россия Федерациясе Архив хезмәтенә 100 ел тулды. 1918 елда " РСФСРның архив эшен үзгәртеп кору һәм үзәкләштерү турында" декретына кул куела. 1918 елның 1 июнендәге декрет нигезендә Казан губернасында РСФСР Архив эше буенча Баш идарәнең вәкаләтле вәкиле вазыйфасы кертелә, аңа 1919 елның 6 февралендә Казан университеты профессоры И. А. Стратонов билгеләнә. Балтач район Советы башкарма комитеты эшчәнлегендә мөстәкыйль буын буларак архив эше 1934 елда оештырыла.
21 декабрьдә Татарстан Республикасы Балтач РИКСЫ архив хезмәтенең 100 еллыгы уңаеннан ветераннарны котлады. Район башкарма комитеты җитәкчесе Айдар Фоат улы Хәйретдинов тарих саклаучыларны котлады, аларга зур игътибар һәм сабырлык таләп иткән тырыш хезмәтләре өчен рәхмәт белдерде, истәлекле бүләкләр тапшырды һәм сәламәтлек, иминлек теләде. Архив эше өлкәсендә 28 ел муниципаль архивта 1958 елдан 1986 елга кадәр эшләгән Рәхимә Газизулла кызы Хәкимҗанованың казанышларын аерым билгеләп үтте һәм аңа Рәхмәт хаты тапшырды. Архив бүлеге җитәкчесе Р. Ильясова район башкарма комитеты җитәкчесе А. Ф. Хәйретдинова күптән түгел генә үз вазыйфасына керешкән ветераннарны бүгенге эшләрнең торышы белән таныштырды.