Мәҗит Хаҗип улы Салихов Балтач районында яңа социаль объектлар ачты
2018 елның 22 декабрь көнендә «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең җитәкчесе Мәҗит Хаҗип улы Салихов Балтач районында яңа социаль объектлар ачу буенча берничә чара үткәрде. Чара Балтач районы башлыгы Рамил Рәшит улы Нотфуллин һәм Татарстан Республикасының Чаңгы ярышлары һәм биатлон федерациясе вәкилләре катнашында узды.
Балтач штб беренче объект – чаңгы базасы, ул универсаль спорт мәйданчыкларын һәм блоклы модульле чаңгы базаларын төзү буенча республика программасы кысаларында гамәлгә ашырылды. Чаңгы базасында чаңгычыларга хезмәт күрсәтү һәм инвентарь прокаты өчен кирәкле җиһазлар бар. Балтач районында яшәүчеләр спортның кышкы төрләре белән актив шөгыльләнә, «Лыжня России» Бөтенроссия ярышларында 3000 нән артык кеше катнаша, республика дәрәҗәсендә дә, халыкара класслы ярышларда да яхшы нәтиҗәләр күрсәтә. Базаны ачканнан соң шул ук көнне чаңгы ярышлары буенча район ярышлары узды.
Икенче объект – республика бюджеты хисабына төзелгән башлангыч мәктәп-балалар бакчасы ачылу тантанасына Борнак авылының барлык халкы җыелды. Кечкенә генә торак пункт өчен мондый объект төзү бик кирәк. Әлеге объект күпфункцияле үзәк булып тора. 14 урынлы башлангыч мәктәптән тыш, объект шулай ук балалар бакчасы да булып тора һәм халык өчен спорт һәм актлар залы сыйфатында кулланыла торган 50 урынга исәпләнгән универсаль залы да бар аның. Бу районда республика программалары кысаларында гамәлгә ашырыла торган бишенче шундый объект.
Татарстан Республикасы Президенты вәкиле Рөстәм Нургали улы Миңнеханов һәм Балтач районы кураторы буларак Мәҗит Хаҗип улы Салихов үзенең чыгышында республикада үткәрелә торган гаять зур эш башкарылуын билгеләп үтте. Татарстан – төзелеш өлкәсендә 30 дан артык программа гамәлгә ашырыла һәм ел саен республика бюджеты хисабына меңләгән объект төзелә торган бердәнбер төбәк булып тора. Балтач районы быел төзелеш өлкәсенең 20 программасында катнашты, капиталь ремонт һәм төзелеш буенча планлаштырылган барлык эшләр дә уңышлы башкарылды. Мәҗит Хаҗип улы Салихов Татарстан Республикасы төзелеш, архитектура һәм торак-коммуналь хуҗалык министры Ирек Әнвәр улы Фәйзуллин исеменнән әлеге объектларны гамәлгә ашыру белән шөгыльләнүче төзүчеләргә рәхмәт сүзләрен җиткерде. Сыйфатлы башкарылган эшләр өчен «Строймастер» ҖЧҖ хезмәткәрләре – төзелеш-монтаж эшләре монтажчысы Ринат Рәфгать улы Кәримов һәм бетончы Газинур Габделнур улы Бариев Татарстан Республикасы төзелеш, архитектура һәм торак-коммуналь хуҗалык министрлыгының мактау грамоталарына һәм «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең акчалата премияләренә лаек булдылар.
Шулай ук Мәҗит Хаҗип улы Салихов чаңгы базасын урнаштыру буенча сыйфатлы башкарылган эш өчен «ПРЕМИУМ» ҖЧҖ төзүчеләренә – җитештерү-техник бүлеге начальнигы Илдар Фәнис улы Фәйзрахмановка һәм эшләр җитештерүче Анатолий Владимир улы Мулюкинга «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең мактау грамоталарын һәм акчалата премияләрен тапшырды.