«Россия лидерлары» идарәчеләрнең дүртенче конкурсына теркәлү башланды
Хәзерге вакытта 8 тректан (фән, сәламәтлек саклау, мәдәният, бизнес һәм сәнәгать, дәүләт идарәсе, халыкара трек, мәгълүмати технологияләр, студентлар) торган «Россия лидерлары» бөтенроссия конкурсының 4 нче сезоны игълан ителде.
Конкурска Россиянең 55 яшькә кадәрге, кирәкле идарә тәҗрибәсе булган Россия гражданины гариза бирә ала. Шулай ук оештыручылар, үз белемнәрен тикшерү һәм үсеш векторларын билгеләү өчен, конкурс программасыннан тыш, барысына да катнашу мөмкинлеге бирде.
Гаризаны агымдагы елның 26 апреленә кадәр тапшырырга мөмкин. Финалистлар 1 млн. сумлык грантлар алачак, аларны алга таба уку өчен куллана алачаклар. Җиңүчеләрне иң эре компанияләрнең топ-менеджерларыннан һәм илнең әйдәп баручы дәүләт эшлеклеләреннән 1 ел шәхси карьера консультацияләре көтә.
«Россия лидерлары» конкурсы оештыручылары Татарстаннан катнашучыларның әзерлек дәрәҗәсен югары бәялиләр һәм чираттагы сайлап алуда аларның санын арттыру белән кызыксыналар.
Теркәлү өчен сайт: лидерыроссии.рф