Халыкара коррупциягә каршы көрәш көне
2003 елның 9 декабрендә Мексиканың Мерида шәһәрендә югары дәрәҗәдәге Сәяси конференциядә Берләшкән Милләтләр Оешмасының коррупциягә каршы Конвенциясе имза салу өчен ачыла.
Документ аңа кул куйган дәүләтләргә ришвәтләрне, бюджет акчаларын урлауны һәм коррупцион табышларны юдыруны җинаять дип игълан итүне йөкли.
2004 елдан башлап, БМО инициативасы буенча, ел саен 9 декабрьдә бөтен дөньяда Халыкара коррупциягә каршы көрәш көне билгеләп үтелә. БМО Генераль Ассамблеясе резолюциясендә күрсәтелгәнчә, Халыкара коррупциягә каршы көрәш көнен гамәлгә куюның максаты коррупция проблемасын аңлау, аны кисәтүдә һәм аның белән көрәштә Конвенциянең ролен тирәнәйтү иде.
БМО Генераль секретаренең махсус вәкиле Ханс Корелл, Халыкара коррупциягә каршы көрәш көнен гамәлгә кую карары турында игълан итеп, конференциягә җыелган 100 дән артык ил вәкилләрен Конвенциягә кул куярга чакырды. Ул «илләр үсешенә зыян китерә һәм хокукый дәүләт демократиясенә һәм режимына куркыныч тудыра торган» коррупциягә каршы тору өчен халыкара хокукның мөһим инструментына әверелергә тиеш.
Россия беренчеләрдән булып Берләшкән Милләтләр Оешмасының коррупциягә каршы Конвенциясенә кул куйды. Форумдагы чыгышында Россия Федерациясе Тышкы эшләр министры урынбасары Алексей Мешков ассызыклаганча, «Россия коррупциягә каршы компромисссыз көрәш алып бара һәм коррупциягә каршы фронтта барлык дәүләтләр һәм тиешле халыкара оешмалар белән конструктив хезмәттәшлеккә әзер». Мерида шәһәрендә (Мексика) 2003 елның 9 декабрендә имзаланган Берләшкән Милләтләр Оешмасының коррупциягә каршы Конвенциясен Россия Федерациясе 2006 елның мартында ратификацияләде ("Берләшкән Милләтләр Оешмасының коррупциягә каршы Конвенциясен ратификацияләү турында" 2006 елның 8 мартындагы 40-ФЗ номерлы Федераль закон).
Халыкара коррупциягә каршы көрәш көнен БМОда катнашучы барлык илләр халкы билгеләп үтә, алар үз имзаларын куйдылар һәм БМОның Коррупциягә каршы Конвенциясен ратификацияләделәр. Шуңа күрә 9 декабрьдә дөньяның күп кенә илләрендә Халыкара коррупциягә каршы көрәш көненә багышланган демонстрацияләр, очрашулар, конференцияләр, семинарлар һәм башка чаралар уза.
Безнең ил, шул исәптән безнең район да искәрмә түгел. Иҗтимагый оешмалар, белем бирү учреждениеләре, хакимият, хокук саклау структуралары вәкилләре һәм битараф булмаган гражданнар көче белән бу көнне шәһәр тибындагы Балтач бистәсенең үзәк урамында акция үткәрү планлаштырыла.
КОРРУПЦИЯГӘ КАРШЫ КӨРӘШКӘ ҮЗ ӨЛЕШЕҢНЕ КЕРТ!