«Сезнең белән чәйләр тәмле!» исемле өстәл артында очрашулар

2018 елның 10 октябре, чәршәмбе

Өлкәннәр ункөнлеге кысаларында «Наз» халыкка социаль хезмәт күрсәтү үзәгендә «Сезнең белән чәйләр тәмле!» исемле өстәл артында очрашулар дәвам итә. Социаль хезмәткәрләр Зәлия Шәрәфиева, Ландыш Әхмәдиева, Гөлнар Галиева һәм Резеда Силиналар «Раил» кафесында бәйрәм ашы оештырдылар. Авыл яңалыклары белән уртаклаштылар, проблемалары турында фикер алыштылар, бүлек мәдире Алсу Гатиятуллина социаль хезмәткәрләрнең намуслы хезмәтләре өчен зур рәхмәтен җиткерде. Төшке аш, Гадилә Шәрипова һәм социаль хезмәткәр Ландыш Әхмәдиева башкарган халык җырлары белән тәмамланды.